Оқиға Жақсы кентіне 12 шақырым жерде «Алматы-Екатеринбург» күрежолында орын алған. Сыйымдылығы 40 текше метрлік HOVO жанармай көлігінің техникалық ақауының салдарынан түгелдей жанып кеткен, – деп хабарлайды «Aqmola news»
Бұл туралы Ақмола облысының төтенше жағдайлар департаментінің баспасөз қызметі мәлім етті.
Көлік жол жиегіне аударылып түсіп, бірден тұтана бастаған. Өрттен жанармай көлігі толықтай жанып кетті. 100 шаршы метр аумаққа мазут төгілгені анықталды. Тілсіз жау 16.36 ауыздықталып, 16.50-де толықтай сөндірілді. Зардап шеккендер болған жоқ. Өрттің шығу себептері анықталуда, – деді төтенше жағдайлар департаментінің баспасөз қызметінен.
Өртті сөндіруге Ақмола облысы төтенше жағдайлар департаментінің 13 қызметкері мен 3 техника бірлігі сондай ақ «Жақсы Су Арнасы» ерікті өрт сөндіру құрылымы мен жергілікті полиция қызметі жұмылдырылған.
