Биыл елеміздің ең көрікті курорттық аймағы Бурамай мен Зерендіде 6 мыңға жуық адам жаңа жылды қарсы алған деп хабарлайды Aqmola news ақпарат агенттігі.
Туристердің 4 мыңға жуығы Бурабай баурайындағы қонақүйлерге тоқтаса, 2 мыңға жуығы Зерендідегі туристік нысандарын таңдапты. Аталған демалыс аймағында Бурабай мен Зеренді тас жолдары түгелдей жаңартылып, 2019 жылдың күзінде қолданысқа берілген. Туристер үшін қысқы қызмет түрлері ұсынылып, тауда серуендеуге жағдай жасалған. Өңірде ойын сауық түрлері көбейіп, қысқы спорт дамып келеді.
