Ақмола облыстық мәслихатының төрағасы Бейбіт Жүсіповтің Жақсы аудандық мәслихатының депутаттарымен кездесуі екі сағатқа созылды, деп хабарлайды Aqmola news ақпараттық агенттігі Ақмола облыстық мәслихатының баспасөз қызметіне сілтеме жасап. Дөңгелек үстелде бірлескен жұмыс жоспарлары, халық қалаулыларының мұқият назар аударуын және облыстан трансферттерді бөлуді талап ететін ең өзекті мәселелері талқыланды. Кездесуге облыстық мәслихаттың Жақсы ауданынан депутаты Қайыржан Құсайынов та қатысты.
Сондай-ақ, Жақсы ауданына жұмыс сапары аясында Бейбіт Айтымұлы «AMANAT» партиясының аумақтық филиалында жеке мәселелер бойынша азаматтарды қабылдады. Аудан тұрғындарының өтініштері ауыз судың сапасына, аудандық аурухананың медициналық жабдықтармен қамтамасыз етуге қатысты болды. Осы сұрақтар бойынша жауапты мемлекеттік органдардың басшылары өз түсініктемелерін берді.
«Депутаттар мен жергілікті атқарушы органдардың ортақ күш-жігерімен және облыс әкімдігінің қолдауымен бұл мәселелер оң шешілетіне сенімдімін», – қорытындылады облыстық мәслихат төрағасы.
