Криминалдық полиция қызметкерлері бұрын жасалған қылмыстың бетін ашты, деп хабарлайды облыстық полиция департаментінің баспасөз қызметі.
Ағымдағы жылдың 7 сәуірінде Көкшетау қаласының полиция басқармасына облыс орталығының 57 жастағы тұрғынының осы жылдың 5-6 сәуірі аралығында белгісіз адам подъезден «Fattire» маркалы велосипед ұрлағаны туралы өтініші келіп түсті. Залал сомасы 50 мың теңгені құрады.
Сондай-ақ, биылғ жылдың 9 наурызында полицияға Көкшетау қаласының тұрғыны 8-9 наурыз аралығында құны 55 мың теңге болатын «Соломон» маркалы спорттық велосипед ұрлығын подъезден жасаған белгісіз адамға қатысты шаралар қабылдау туралы өтінішпен жүгінді.
Жедел-іздестіру іс-шаралары барысында ұрлық жасағаны үшін бұрын бірнеше рет сотталған облыс орталығының 44 жастағы тұрғыны анықталды. Ұрланған велосипедті қаскөй қала базарларының бірінде сатқан
.
ҚР ҚК 188-бабы 1-бөлігі «ұрлық» бойынша сотқа дейінгі тергеу жүргізілуде. Ақмолалықтың тағы екі велосипед ұрлығына қатысы бар екені анықталды, заттай дәлелдемелер тәркіленді. Күдікті уақытша ұстау изоляторына қамалды.
