Көкшетау іргесіндегі елді мекенде Комсомольская, Целинная және Советская көшелерінің атауы ауысты деп хабарлайды Stan.kz ақпарат агенттігі.
«Ақмола облысы Зеренді ауданы Ақкөл ауылдық округі Молодежное ауылының құрамдас бөліктерінің Комсомольская көшесі Дінмұхамед Қонаев көшесі болып қайта аталсын, Целинная көшесі Еркін Әуелбеков атына және Советская көшесі Мәлік Ғабдуллин көшесі болып аталсын», – делінген жергілікті әкімдік шешімінде.
Құжатқа 13 наурызда қол қойылған және оның алғашқы ресми жарияланған күнінен кейін күнтізбелік 10 күн өткен соң қолданысқа енгізіледі.
