Степногорск қаласына қарасты Бестөбе ауылында рейд жүргізу кезінде құрамында алтын бар кенді өңдейтін жасырын шағын цех табылды.
Степногорск қаласыныңполиция бөлімінің криминалдық полиция қызметкерлері шағын цехты 11 қаңтарда Бестөбе кенті тұрғынының шаруашылық құрылыстарынан тапқан.
Рейдтік іс-шараларды өткізу кезінде жедел уәкілдер 32 жастағы ер адам заңсыз жабдықты өз бетінше жинап, материалды үйінділерге тастағанын анықтады.
Алғашқы тергеу іс-шараларында полиция шар ұсатқышты, алтын жуғышты, ұсақтауға арналған 10 металл шарды және электр қозғалтқышын тәркіледі. Рейд барысында салмағы 79 келі болатын құрамында алтыны бар 2 қап табылды. Бұл фактіге орай, ҚР ҚК-нің 295-1-бабы 1-бөлігі бойынша сотқа дейінгі тергеу амалдары басталып, сараптама тағайындалды.
