Облыс әкімдігінде коронавирус пандемиясы кезінде өңірдің азық-түлік қауіпсіздігін қамтамасыз ету мәселесі қаралды, – деп хабарлайды «Aqmola news» ақпарат агенттігі.
Бүгін Ақмола облысы әкімдігінде өткен кезекті аппарат жиынында өңірдің азық-түлік қауіпсіздігі мәселесін облыс әкімі нысанаға алды.
Ауыл шаруашылығы басқармасына облыс орталығындағы сауда нүктелерінде ірі-қара мал етін жеткізуді реттеуді тапсырамын. Кәсіпкерлік және өнеркәсіп басқармасына Қазақстан Республикасы сауда және интеграция министрлігімен бекітілген бағаға мониторинг жүргізуді және заң бұзушылықтарды анықтау бойынша рейд шараларын ұйымдастырып оны бұқаралық ақпарат құралдарында жариялауды тапсырамын, – деді Ермек Маржықпаев.
