Өңір басшысы екінші деңгейлі банк саласының өкілдеріне есепшот ашу кезінде ақмолалықтардың денсаулығының қауіпсіздігін сақтау шараларына мән беру қажеттігін атады, – деп хабарлайды «Aqmola news» ақпарат агенттігі.
Бүгін облыс әкімдігінде кезекті аппарат жиналысын өткізу барысында өңір басшысы Ермек Маржықпаев мемлекет басшысы Қасым-Жомарт Тоқаевтың коронавирус пандемиясына байланысты төтенше жағдай кезінде халыққа 42 500 теңге мөлшерінде берілетін әлеуметтік төлемді төлеу мәселесіне баса назар аударды.
Жұмыспен қамту және әлеуметтік бағдарламалар басқармасына және ішкі саясат басқармасына әлеуметік көмек алушылар арасында кең көлемді ақпараттық жұмыс жүргізуді тапсырамын, – деді Ермек Маржықпаев.
Сонымен қатар, банк саласының өкілдеріне екінші деңгейлі банктерде есепшот ашу кезінде ақмолалықтардың денсаулық қауіпсіздігін сақтау шараларын қажеттігі туралы жеткізілді.
