Көкшетау қаласы Мағжан Жұмабаев атындағы облыстық әмбебап ғылыми кітапханасының мерзімді басылымдар секторында «Ұлы халықтың Ұлы Абайы» атты ақпараттық сағат өткізілді,-деп хабарлайды «Aqmola News»ақпарат агенттігі.
Іс- шара тамыздың 10-ы Абай күніне орай «№5510 әскери бөлімімен» бірлесе отырып ұйымдастырылды. Оған осы бөлімнің сарбаздары мен әскери шенді қызметкерлері қатысты.
Абай Құнанбайұлының мұраларын дәріптеу, ақынның даналығын, рухани асыл қазынасын насихаттау мақсатында өтті.
Жиын барысында ғұлама ойшылымыз туралы бейнеролик көрсетіліп, қара сөздері оқылып, сарбаздарға ақпараттық көрме таныстырылды.
