Көкшетауда Мәдениет және өнер саласы қызметкерлерінің күніне орай салтанатты түрде ашылған «Рухани қазына – 2021» фестивалі аясында облыстың бірқатар мәдениет саласында өкілдері айтулы наградалармен марапатталды, деп хабарлайды «Aqmola News».
Тұңғыш рет өткізіліп отырған фестиваль барысында Мәдениет министрі өңірдің мәдениет саласында іргелі жетістіктерге қол жеткізгенін атап өтті.
«Әрине, сал-серілердің мекені Көкше өңірі киелі өнер дарыған айтулы тұлғалардан қазір де кенде емес. Солардың бірқатарын Сіздердің алдарыңызда марапатағалы отырмыз. Сіздерді фестиваль аясында «Көкшетау – Қазақстанның мәдени астанасы» атануымен шын жүректен құттықтағым келеді», – деді Ақтоты Райымқұлова.
Шара барысында бір топ саланың ардагер өкілдері «Еңбек ардагері» төсбелгісімен марапатталса, аймақтың 10 мәдениет қызметкерлеріне мәдениет және өнер саласы қызметкерлері күніне орай «Мәдениет саласының үздігі» алқасы және министрліктің «Құрмет грамотасы» мен «Алғыс хаттары» табысталды.
