Бүгін «Бозоқ» мемлекеттік тарихи-мәдени музей-қорығының ұйымдастыруымен тарих ғылымдарының докторы, профессор Виктор Федорович Зайберттің «Ботай» кітабының екінші бөлімінің тұсаукесері өткізілді, деп хабарлайды «Aqmola News».
Кітап тұсаукесеріне ҚР Мәдениет және спорт министрлігінің өкілдері, тарихшылар, археолог және этнолог мамандары, сондай-ақ музей қызметкерлері жаңа туындының ғылыми нәтижелерін талқылап, көпшілік қауыммен пікір алмасты.
Зум форматында онлайн түрде еліміздің әр аймақтары қатысқан ғалымдар мен этнологтар жаңа кітаптың мән-маңызын ерекше атап өтті.
«Ақмола облыстық тарихи-өлкетану музейі Виктор Федоровичпен бірге бірнеше жобаларды жүзеге асырған болатын, солардың бірі – 2018 жылы Ақмола облысының аумағында ашылған әлемге танымал Ботай мәдениетінің бірегей кешені «Ботай-Бурабай» ашық аспан астындағы музейі екендігін естеріңізге саламын, – дейді Ақмола облыстық тарихи-өлкетану музейінің директоры Қуаныш Шақшақов.
