Көкшетауда «Таза бейсенбі» акциясы өтті

«Таза Қазақстан» жалпыұлттық экологиялық акциясы жалғасуда. Игі шара аясында «АMANAT» партиясының Ақмола облыстық филиалы әр апта сайын «таза бейсенбіліктер» өткізіп жүр.
Осы жолы Көкшетаудағы «Бәйтерек» саябағы қоқыстан тазартылды. Қайтадан жаңғырып, жаңарған саябақ бүгінде шаһар тұрғындарының демалатын сүйікті орындарының бірі. Аумағы да үлкен. Тазалық акциясына 100-ге тарта партия белсенділері, мемлекеттік орган өкілдері, жастар мен студенттер қатысты. Жалпы партияның бастамасымен биылдың өзінде 50 шақты тазалық акциясы ұйымдастырылған.
Жалпы, «Таза Қазақстан» экологиялық акциясы басталған сәттен Ақмола облысы бойынша 550-ден астам елді мекен қамтылып, 80 мың тонна қоқыс шығарылды.
Тарихи-мәдени ескерткіштердің аумағын абаттандыру бойынша жұмыстар жүргізілді, 1 милионнан астам ағаш көшеттері отырғызылды, су айдындары, өзендер мен көлдердің айналасын қоқыстан тазарту, 1000-нан астам балалар алаңы абаттандырылды, тұрғын үйлер мен қоғамдық ғимараттардың қасбеттері жөнделді. Облыс бойынша барлығы 500 мыңға жуық адамның қатысуымен 5500-ден астам бір реттік экологиялық іс-шаралар өткізілді.