9 қыркүйек күні «Достар» мәдениет сарайында «Тілім менің – тірегім» атты қалалық мәнерлеп оқу байқауы өтті. Оған 10-18 жас аралығындағы жалпы білім беретін мектептер мен колледждердің оқушылары мен студенттері қатысты.
Байқау шарты бойынша қатысушылар ана тілі туралы өлең оқыды.
Қатысушылардың бір қатары өлеңді мәнерлеп және эмоционалды түрде оқып, актерлік шеберліктерін көрсетті.
Қазылар алқасының шешімі бойынша бірінші орынды Ж.Мусин атындағы педагогикалық колледждің студенті Бүркітхан Жанмарал жеңіп алды.
Жеңімпаздар мен жүлдегерлерге ұйымдастырушылар дипломдар мен естелік сыйлықтар табыс етті.
