spot_img
Жұма, Наурыз 1, 2024
-11.2 C
Kokshetau

Қазақстан Жапонияның су айдындарын тазарту технологиялары бойынша тәжірибесін қабылдайды

Сондай-ақ...оқыңыз
ҚР Су ресурстары және ирригация министрі Нұржан Нұржігітов Жапонияның Қазақстандағы Төтенше және Өкілетті Елшісі Джун Ямадамен кездесті. Тараптар отандық су саласын дамыту бағытындағы ынтымақтастық мүмкіндіктерін талқылады, деп хабарлайды ведомствоның баспасөз қызметі.

Елші су ресурстарын пайдалану және басқару мәселелерімен айналысатын жеке министрлік құру басқа мемлекеттер үшін үлгі болатын өте маңызды және дұрыс қадам екенін атап өтті.

Сондай-ақ Ямада мырза Жапонияның Қазақстанмен ұзақ мерзімді және толыққанды ынтымақтастыққа мүдделі екенін мәлімдеді. Ал су технологиялары саласында жұмыс істейтін жапон компаниялары елімізде өз жобаларын іске асыруға, атап айтқанда, суды қайта пайдалану бағытында серіктестік орнатуға ниетті екенін айтты. Елші ҚР Су ресурстары және ирригация министрлігі мен жапондық кәсіпкерлер арасында байланыс орнатуға жәрдемдесуге дайын екенін білдірді.

Өз кезегінде Нұржан Нұржігітов министрлік Жапонияның су саласын автоматтандыру және цифрландыру бойынша тәжірибесін зерттеуге ниетті  екенін атап өтті, сондай-ақ жапондық сарапшылар мен ғалымдарды тарту арқылы қазақстандық мамандардың біліктілігін арттыру үшін бірлесіп жұмыс істеуді ұсынды.

Сонымен қатар, министр елімізде су айдындарын тазарту технологияларына сұраныс жоғары екенін айтып, Жапониядағы ең ірі Бива көлін тазартуды мысалға келтірді. Нұржан Нұржігітов жапондық мұхиттанушы ғалымдарды Каспий теңізінің ғылыми-зерттеу институтымен бірлесіп жұмыс істеуге шақырды.

Кездесу қорытындысы бойынша тараптар ынтымақтастықтың мүмкіндігі зор бағыттарын талқылауды жалғастыруға келісті.

«Халықаралық ынтымақтастық – біздің министрлік жұмысының негізгі бағыттарының бірі. Себебі, Қазақстан трансшекаралық өзендерге тәуелді. Алайда, біз көршілермен ғана емес, басқа мемлекеттермен де байланыс орнатуға дайынбыз. Олардың тәжірибесін қабылдауға, бірлескен жобаларды іске асыруға және заманауи технологияларды енгізуге ниеттіміз. Біздің Жапониямен ынтымақтастығымыз берік әрі нәтижелі болады деп үміттенеміз», – деді Су ресурстары және ирригация министрі Нұржан Нұржігітов.

- Жарнама -spot_img

ЖАУАП ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз

- Жарнама -spot_img
Соңғы мақалалар

2023 жылы 140 мыңнан астам ақмолалық АИТВ-ға тестілеуден өтті

Бірінші наурызда ЮНЭЙДС бастамасымен, бүкіл әлемде "Кемсітушілік нөлі" күні атап өтіледі. 2024 жылғы ұраны - "Әркімнің денсаулығын сақтау үшін,...
- Жарнама -spot_img

Ұқсас мақалалар

- Жарнама-spot_img