spot_img
Сенбі, Ақпан 24, 2024
-29.8 C
Kokshetau

Бағалы металдардың заңсыз айналымымен айналысқан трансұлттық ұйымдасқан топ Ақмола облысында ұсталды

Сондай-ақ...оқыңыз
Көліктегі полиция департаментінің қызметкерлері Бас көлік прокуратурасын үйлестіруімен, Қазақстан, Украина және Ресей Федерациясының азаматтарынан құралған трансұлттық ұйымдасқан топты ұстады.

Олар ұзақ уақыт бойы республика аумағында бағалы металдардың заңсыз айналымын жүзеге асырған. Бұл жөнінде департаменттің ұйымдасқан қылмысқа қарсы күрес басқармасының бастығы Теміржан Рамазанов хабарлады.

Т. Рамазановтың айтуынша, қылмыстық топ Ақмола облысында орналасқан шахтадан құрамында алтын бар кенді заңсыз өндіруді ұйымдастырған. Қолдан жасалған шикізат зергерлік бұйымдарды жасау үшін астыртын шеберханаларға жіберіліп, одан әрі әйгілі зергерлік үйлердің брендтерімен сатылған. Бұйымдар әуе және теміржол көлігі арқылы тасымалданған.

Жүргізілген тінту іс-шаралары барысында кен өңдеуге арналған жабдықтар, алтын құймалар, 15 келіден астам зергерлік бұйым, биркалар мен сертификаттар, 19 тонна кен, 1,5 келі сынап, 20 келіден астам жарылғыш зат тәркіленді. Қылмыстық топ рөлдердің нақты бөлінуімен ерекшеленді: шахта құрылтайшылары, шикізат өндіруді ұйымдастырушылар, аффинажшылар, зергерлік шеберлер, сатуға және брендтеуге жауапты адамдар.

Сотқа дейінгі тергеп-тексеру Қазақстан Республикасы Қылмыстық Кодексінің 295-1 және 264-баптары бойынша жүргізіліп жатыр. 17 адам күдікті деп танылып, оның 10-ы қамауға алынды, өзге адамдардың осы қылмысқа қатысы бар-жоғы тексеріліп жатыр.

- Жарнама -spot_img

ЖАУАП ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз

- Жарнама -spot_img
Соңғы мақалалар

Ұлттық қордан ақмолалық 215 487 баланың есеп шотына ақша түсті

«Бірыңғай жинақтаушы зейнетақы қоры» акционерлік қоғамының Ақмола облыстық филиалының директоры Аяш Кеншінбаева журналистермен кездесу өткізіп, «Ұлттық қор – балаларға»...
- Жарнама -spot_img

Ұқсас мақалалар

- Жарнама-spot_img