Бүгін ҚР Мемлекеттік рәміздері күніне орай Ақмола облысында құрметті тұрғындардың, жұртшылықтың, үкіметтік емес ұйымдардың және облыс жастарының қатысуымен салтанатты іс-шара өтті, деп хабарлайды облыс әкімдігінің баспасөз қызметі.
Патриоттық акция мемлекеттік әнұранды жанды дауыспен орындаудан басталды.
Ақмола облысының әкімі Ермек Маржықпаев құттықтау сөзінде халықтың тәуелсіздік туралы сан ғасырлық арманының бейнесі ретінде ел рәміздерінің маңыздылығын атап өтті.
«31 жыл бұрын біздің еліміз мемлекеттік рәміздерді қабылдады және бұл күн жас егемен мемлекеттің маңызды оқиғаларының біріне айналды. Мемлекеттік Ту, Мемлекеттік Елтаңба, және Мемлекеттік Әнұран – бұл кез-келген мемлекеттің өзіндік ерекшелігін, саяси тәуелсіздігі мен егемендігін бейнелейтін ажырамас атрибуттары, онда Отанға қызмет етудің жоғары мұраттары, халықтың тарихи тамыры мен дәстүрлерін құрметтеу жатыр», – деп атап өтті аймақ басшысы.
Акция барысында «Жыл патриоттары» сыйлығының номинанттарын марапаттау рәсімі өтті. Олар 20 ақмолалық, батырлар, еріктілер және халықаралық ғылыми, мәдени және спорттық байқаулар мен фестивальдердің жеңімпаздары болды.
Олардың ішінде сегіз жасар Ахмет Лейла, Қосшы қаласындағы «Дара» бизнес академиясының оқушысы, Афинадағы «WADA – 2023» Ашық әлем чемпионатының жеңімпазы, Мәскеудегі Халықаралық би олимпиадасының лауреаты, акробатикалық биден Қазақстан Республикасы чемпионатының бірнеше дүркін жүлдегері.
«Мен өз елімді өте жақсы көремін және оны Афина мен Мәскеуде таныстыру мәртебе болды», – деді Ахмет Лейла.
Іс-шара облыстық мәдениет мекемелерінің вокалистері дайындаған концерттік нөмірлермен жалғасты.
