Қостанай ұландары ашық есік күнін ұйымдастырды, деп хабарлайды қазақстан республикасының ұлттық ұланы орталық өңірлік қолбасшылығының баспасөз қызметі.
Еліміздің бүгіні мен ертеңін айқындайтын бағыттардың бірі, ол-жеткіншек ұрпақ тәрбиесі. Әскери патриоттық тәрбие мен жастарды әскери қызметке даярлау-бүгінгі көкейкесті мәселе. Осы орайда, 24 сәуір күні Ұлттық ұлан 6697 әскери бөлімінде әскердің беделін арттыру, әскери қызметті насихаттау мақсатында «Ашық есік» күні өтті. Шараға қаланың орта білім беру мектептерінің оқушылары қатысып, әскери өмірдің бүгінгі тыныс-тіршілігімен танысты.
«Бүгін әскери бөлімде айтулы іс-шаралардың бірі өтуде, себебі біз болашақ Отан қорғаушыларға әскери өмірді колледжді аяқтап, болашақта елін қорғайтын азаматтарға түсінік беру мақсатын көздеп отырмыз. Еліміздің қорғанында тұру әрбіреуіміздің қасиетті борышымыз ұранында, қонақтарға әскер қару мен техникалар көрсетіліп, жатын-жайларда кішігірім сабақтар ұйымдастырып жатырмыз, атап өтетін жәйт әрбір оқу орындарында маман сарбаздар сабақ өткізіп жатыр, дейді тәрбие және әлеуметтік-құқықтық жұмыстары жөніндегі бөлімшесінің бастығы майор Данияр Нұрғожаев.
Әскери өмірдің бір күндік тынысын, жаттығу кезіндегі сарбаздардың бойындағы ширақтықты, ер жүректілікті көрген болашақ ел қорғаушыларға қонақатр қызыға қарап, әскери қызметшілердің күнделікті өмірін көзбен көру қатты әсер қалдырғанымен бөлісті. Шара соңында оқушыларға Ұлттық ұлан қызметі жайлы деректі фильмі көрсетілді.
