Ақмола облысы Төтенше жағдайлар департаментінің Өрт сөндіру және авариялық-құтқару жұмыстары қызметінде «Үздік өрт сөндіру бөлімі» байқауы өтті.
Бұл байқауда өрт сөндіру бөлімдері ғимараттардың сырты бойынша ғана емес, жеке құрамның кәсіби дайындығы мен жедел-қызметтік көрсеткіштері де маңызды рөл атқарды, сондай-ақ өрт сөндіру бөлімдерінің өкілдері дене шынықтыру және теориялық дайындық нормативтерін тапсырды.
Айта кетейік, аталмыш байқау жылына бір рет екі кезең бойынша өткізіледі, байқаудың бірінші кезеңі өрт сөндіру депосының үй-жайларын, өрт техникасын, байланыс құралдарын, өрт сөндіру бөлімдерінің өрт-техникалық жарақтарын критерийлер бойынша бағалауды қамтиды. Байқаудың екінші кезеңі бірінші кезеңнің қорытындылары бойынша бағалау ведомостарын қарауды, өрт сөндіру қызметі желісі бойынша құқықтық актілерін білу жөнінде тестілеуді өткізуді және өрт-құтқару даярлығы бойынша нормативтерді қабылдауды қамтиды.
Өткізілген байқау қорытындысы бойынша «2022 жылдың Үздік өрт сөндіру бөлімі» болып Бұланды ауданы Макинск қаласының №8 мамандандырылған өрт сөндіру бөлімі анықталды. Департамент бастығының орынбасары Әсет Жақсылықов Макинск қаласының №8 МӨСБ бастығы Самат Бапишевке кубок, мүсінше мен өрт сөндіру депосының қасбетіне «2022 жылдың Үздік өрт сөндіру бөлімі» белгісін табыс етті.
