Көкшетаулықтарға тұрғын үй-коммуналдық шаруашылық мәселелері бойынша кеңес берілді

«Адал көмек» жобасы аясында Көкшетау қаласы әкімдігінің алаңында мемлекеттік органдар мен коммуналдық қызметтер басшылығының қатысуымен тұрғын үй-коммуналдық шаруашылық мәселелері бойынша азаматтарды қабылдау және кеңес беру өтті.
Іс-шара барысында өңір тұрғындары коммуналдық қызметтерге ақы төлеу тәртібі, аула аумақтарын абаттандыру, пәтерлерде жылу беру, жалпыүйлік мүлікке қызмет көрсету мәселелеріне қатысты сұрақтар қойып, оларға толық жауап алды.
Қабылдау барысында келіп түскен сұрақтардың бірі үй маңындағы аумақты абаттандыруға қатысты болды. Атап айтқанда, көппәтерлі тұрғын үйдің тұрғыны аула аумағында футбол алаңын орнату мүмкіндігіне қызығушылық танытты. Көкшетау қалалық ТКШ бөлімінің басшылығы үй тұрғындарының ұжымдық өтінішін бөлімге жолдау қажеттігі туралы түсіндіріп, өтінішті заңнамаға сәйкес қаралатын болады деп айтты.
Тәжірибе көрсеткендей, азаматтардың көпшілігі өз құқықтары бұзылған кезде қайда жүгіну керектігін, оның мәселелерін қарау қай мемлекеттік органның құзыретіне кіретінін және шағым беру тәртібін білмейді. Сонымен қатар, өтінішті қараудың тиімділігі оның дұрыс дайындалуына және тиісті органға жіберілуіне байланысты. Сонымен қатар, азаматтардың өз құқықтарын жеткіліксіз білуі жосықсыз лауазымды адамдар тарапынан сыбайлас жемқорлық құқық бұзушылық жасауға себеп болуы мүмкін.
Осы тұрғыда 2020 жылдан бастап Агенттік құқықтық сауаттылықты арттыру және халыққа, әсіресе әлеуметтік осал топтарға әлеуметтік маңызы бар мәселелерді шешуде құқықтық көмек көрсету үшін «Адал көмек» жобасын іске асыруда. Жоба шеңберінде айына екі рет әлеуметтік нысандар базасында азаматтарға түрлі өзекті проблемалық мәселелер бойынша қабылдау және кеңес беру жүргізіледі.