Ақмола облысы, аумақтық-географиялық орналасуына байланысты, Нұр-Сұлтан қаласы және оның іргесіндегі елді мекендерге азық-түлік тасымалдаушы басты субъект.
Азық – түлік белдеуін дамыту шеңберінде облыстың 20 өңірін қамтитын 300 шақырымдық аймақ анықталды. Қазір ауылшаруашылық өнімдерін жеткізу жұмыстары қарқынды жүргізілуде. Облысымыздың 130 кәсіпорны Магнум, Астықжан, Смолл сияқты 44 ірі сауда нүктелеріне және Еуразия, Әлем, Шапағат сынды нарықтарға өз тауарларын тасымалдайды. Сондай-ақ, «Ақмол» дүкендер желісі жұмыс істейді. Бұл жерде де аймақтағы ірі ауылшаруашылық тауар өнімдері сатылады.
«Жыл басынан бері 62 мың тонна сүт өнімдері (2021 жылдың сәйкес кезеңіне қарағанда 1,1% – ға өсті), 14 мың тонна ет (1,4% – ға өсті), 105 млн. дана жұмыртқа (7,6% – ға төмендеді) жеткізілді»-, деп мәлімдеді облыс әкімі Ермек Маржықпаев.
Камила Абдельманова
ФОТО Берик Ескенов
