Өңірдің бірнеше қаласында медицина қызметкерлері ереуілге шығып, еңбек жағдайын жақсартуды сұрап отыр, деп хабарлайды «Хабар 24».
Солардың ең ірісі ел астанасы Парижде өткен. Наразы топ еңбек жағдайын жақсартуды талап етіп отыр. Өйткені мемлекеттік ауруханаларды қаржыландыру қысқарған. Ал елде қазір коронавирустың бесінші толқыны жүріп жатыр. Бар ауыртпалық медицина қызметкерлерінің мойнына түскен. Алайда вакцина салдырудан бас тартқан 15 мың ақ халатты жұмысынан шеттетілген.
Салдарынан қазір маман тапшы. Соған байланысты ауруханалар әрбір бесінші науқасты қабылдай алмай жатыр. Өйткені оны қарайтын қызметкер жетіспейді. Сарапшылар елдегі эпидахуал жақын арада жақсара қоймас деп топшылап отыр. Сондықтан дәрігерлердің жұмысы көбеймесе, азаятын түрі жоқ дейді ереуілге қатысушылар.
– Мен жұмыс істейтін ауруханада науқастарды жатқызатын орын жоқ. Кейбіреулері қабылау бөлімінде қалып қояды.
– Біздің госпитальдегі жағдай қиын. Анестезиологтар жетіспейді. Оларды интернатурада оқитын азаматтар алмастырып жүр. Медицина қызметкерлерінің 25 проценті жұмыстан шығып кетті. Өйткені әбден шаршаған. Біздің де қазіргідей қиын жағдайда жұмыс істегіміз келмейді.
