Ақмолалық жас футболшылар республикалық футбол турнирінде үшінші орынға ие болды, деп хабарлайды «Aqmola News» Ақмола облысының дене шынықтыру және спорт басқармасының баспасөз қызметіне сілтеме жасап.
«Turkistan cup 2021» республикалық футбол турнирі Түркістан қаласында өткен. Оған еліміздің әрбір өңірінен 16 команда қатысқан.
«Ақмола облысының намысын «Оқжетпес-2011» командасы көтеріп, тартысты бәсекеде үшінші орынға ие болды», – дейді ведомствоның баспасөз қызметінен.
Жас футболшылардың жаттықтырушысы Григорий Чешаның айтуынша турнирдің үздік қорғаушысы болып команда капитаны Максим Беньковский танылды.
