Ақмола облысында басқарма басшысы пара алды деген күдікке ілінді. Бұл туралы сыбайлас жемқорлыққа қарсы қызмет мәлімдеді.
«Сыбайлас жемқорлыққа қарсы қызмет Ақмола облысының «Ауыл шаруашылығы басқармасы» ММ басшысы Димаш Таласбаевқа қатысты тергеу жүргізіп жатыр.
Ол облыс кәсіпкерлерінен өз өкілеттігі аясына кіретін шешім қабылдағаны үшін ірі көлемде пара алды деп күдікке ілінді», – делінген хабарамада.
2021 жылдың 14 тамызда сот санкциясымен күдікті қамауға алынған. Өзге ақпарат тергеу мүддесінде жария етуге жатпайды.
