Президент Қасым-Жомарт Тоқаев жұмыс сапарымен Көкшетауға келді. Бұл туралы Мемлекет басшысының баспасөз қызметінің жетекшісі Берік Уәли facebook әлеуметтік желісінде жазды, деп хабарлайды «Aqmola News».
«Мемлекет басшысы Қасым-Жомарт Тоқаев Ақмола облысының орталығы Көкшетау қаласына жұмыс сапарымен келді. Президент сапар барысында өндіріс кәсіпорындарының жұмысымен танысып, өңірдегі денсаулық сақтау және білім беру нысандарын аралап көреді», – деп жазды Берік Уәли.
