Өңірде Тәуелсіздіктің 30 жылдығына және қазақтың ұлы палуаны Қажымұқан Мұңайтпасовтың 150 жылдығына арналған ұлттық және халықтық спорт түрлерінен «Құлагер» спартакиадасы өтті, деп хабарлайды ішкі саясат басқармасы.
Көкшетау маңындағы Красный Яр ауылының ипподромында өткен жарысқа облыстың 17 ауданынан, Көкшетау және Степногорск қалаларынан спортшылар қатысты.
Дене шынықтыру және спорт басқармасының баспасөз қызметі атап өткендей, қатысушылар көкпар, қазақ күресі, армрестлинг, гір спорты, тоғызқұмалақ, асық ату, городошный спорт, аударыспақ, теңге ілу, жамбы ату және бәйге сияқты спорт түрлерінен жарысты.
Барлық командалар жақсы дайындықтарын көрсетті. Барлық 11 спорт түрі бойынша Көкшетау қаласының командасы сенімді жеңіске жетті, екінші орында Целиноград ауданының спортшылары, Зеренді ауданының өкілдері қола жүлдегер атанды.
Спорттық іс-шараның жеңімпаздары мен жүлдегерлерін Ақмола облысы дене шынықтыру және спорт басқармасының басшысы Әсет Букубаев құттықтады.
«Тәуелсіздік жылдарында елімізде қазақ халқының ежелгі дәстүрлерімен қатар ұлттық спорт түрлері де жандана бастады. Бүгінгі таңда ұлттық спорт түрлері басқалардың арасында басым. Олар халықаралық аренада қазақ халқының рухы мен тарихын көрсететін тартымды турнирлердің арқасында танымал. Ақмолалық спортшылардан беделді халықаралық жарыстардың чемпиондары мен жүлдегерлері жететініне сенімдімін», – деді Әсет Букубаев.
Айта кетейік, өңірде ұлттық спорт түрлерін дамытуға ерекше көңіл бөлінеді. Көкшетауда облыс аудандарындағы филиалдары бар Балуан Шолақ атындағы ұлттық спорт түрлері бойынша облыстық балалар мен жасөспірімдер спорт мектебі жұмыс істейді.
