Қорғалжын ауданынының 10-ға тарта орталық көшелеріне ағымдағы жөндеу жұмыстары жүргізілуде.Биыл аймақтағы орталық көшелердің 70 пайызға жуығы қалыпқа келмек,-деп хабарлайды «Aqmola News» ақпарат агенттігі.
Өткен жылы Қорғалжын ауылындағы ең маңызды 2 көше жөнделген. Оның бірі Тәуелсіздік көшесі болса, екіншісі Әлия Молдағұлова көшесі. Бұл көшелерге асфальт пен қиыршық тастар төселді. Ал, осы жылы мұндағы 7 көше де жөндеу көрмек.
Қазіргі таңда 7 көшеге мердігер анықталып, жұмыс жүріп жатыр. 4 көшеге асфальт, 3 көшеге асфальт астына тас төселеді. Одан бөлек 6 көшенің құжаттары дайындалды,-дейді ауыл әкімі.
Сонымен қатар, аудандағы құрылыс жұмыстары да көңіл қуантады. Үстіміздегі жылы 20 пәтерлі тұрғын үй пайдалануға берілмек. Яғни, аудандағы әлеуметтік аз қамтылған көпбалалы отбасылар мен жергілікті медицина мамандары жақын күндері қоныс тойын тойламақ ниетте.
Ауылдың шетіне жаңа микрорайон сияқты 14 үйдің орнын дайындап қойдық. Биыл бірінші 33 млн теңге бөлініп. Осы жылы 2 тұрғын үйдің құрлысы басталады,-дейді аймақ басшысы.
Жергілкті билік өкілдері осы тұрғын үйлер пайдалануға берілсе аудандағы пәтер мәселесі түбегейлі шешілетініне сенім білдірді.
