Әлемде рухы мықты спортшылар көп, олар өз мысалында бұл өмірдегі ең бастысы – ерік пен табандылық екенін көрсетті. Жалғас Тайкенов Ақмола облысының Атбасар қаласында туып өскен. Бала кезінде оның отбасы автобус паркіне қарама-қарсы тұрды. Төрт жасында ол ауладан жолға жүгіріп шығып, автобустың дөңгелектерінің астына түсті. Нәтижесінде бала сол аяғын жоғалтты. Жалғас алғаш рет бес жасында протезге шықты.
Жасөспірім кезінде Атбасар тұрғыны өзінің ерекшелігін түсіне бастады, адамдардың көзқарасын көбірек байқай бастады, жүру кезінде қолайсыздық болды. Бірақ Жалғастың нағыз достары, оның «басқа» екенін білдіртпеді. 15 жасында Жалғас өзіне воркаут ашты. Бұл өз салмағың мен денеңді басқарудың тамаша тәсілі.
Мотивациялық бейнероликтерді көріп, көше спортшыларынан шабыт алды. Көп ұзамай жас жігіт осындай трюктерді жасай бастады. Күн сайын бір аяқты жігіттің шеберлігін көруге адамдар жиналатын. Көше спортшылары командалар құрып, өзара жарысты. Жігіт өзінің жаттығуларына жүзуді қосып, параканоэ туралы білді.
Бұл тірек-қимыл аппараты зақымдалған адамдарға арналған қайық тәрізді нәрсе. Алайда мұндай спорт түрімен Қазақстандықтардың ешқайсысы бұрын айналыспаған. Жалғас бұл спорт түріне қызығушылық танытты, өйткені бұл жаңа, ерекше спорт түрі болатын. Ол алғаш қазақстандықтар үшін спорттың осы түрін ашып, халықаралық аренада ел намысын қорғағысы келді.
Оны мемлекет қолдап, бюджет есебінен Ресейге жаттығуға жіберді. Тәлімгерлер қазақстандықтың ынтасы мен шеберлігін бірден байқады. Олар Жалғасты дайындап, Азия чемпионатын жеңіп алды. Кейін қазақстандықтардың да параканоэ спорт түріне қызығушылықтары арта бастады.
Атап айтқанда, чемпион шымкенттік Бибарыс Спатайға осы бағытта дамуға жеке көмек көрсете бастады. Қазақстандағы ауа-райын ескере отырып, тек көктемнің басынан күздің соңына дейін жаттығуға болады. Бұл үшін ең қолайлы орындар – Шымкенттегі су қоймалары. Қыста спортшылар Өзбекстанға барып, жаттығады. Жақсартылған жаттығулар үшін Жалғасқа заманауи протез алу қажет болды. Сол кезде қазақстандық жетекші әлемдік компаниямен байланысып, оған жаңа аяқ протезін дайындауын сұрады. Протезге достар мен таныстардың қолдауымен бес миллион теңге жиналды.
Қазіргі уақытта Түркістан облысында жаттығып, ағымдағы жылдың тамыз айында Токио қаласында өтетін Олимпиада ойындарына дайындалуда.
Үстембек Айгүл,
Ақмола облысы «Рухани жаңғыру» жобалық кеңсесінің маманы.
