Ақмола облысы білім басқармасының басшысы Бейбіт Жүсіповке Kundelik.kz «Қола белгі» тапсырды, деп хабарлайды «Aqmola News».
Бес жыл бойы аталған платформада жұмыс істейтін облыс мектептерінің жүргізген жұмыстары жақсы бағаланыпты. Аталған жаңа басымдықтарын енгізуде білім басқармасының жаңа технологияларды енгізудің өңірлік орталығы үлкен рөл атқарыпты.
Кездесу барысында сөз сөйлеген «Күнделік» жауапкершілігі шектеулі серіктестігінің бас директоры Мұхтар Ілиясов Ақмолалық ұстаздарды платформаны тұрақты әрі белсенді қолданғаны үшін алғысын білдірді.
«Бүгінде kundelik.kz жүйесі жаңғырып келеді. Жақында сабақтардың күнтізбелік-тақырыптық жоспарларымен кіріктірілген Microsoft Teamsнеігзінде тегін бейне-конференция жүйесі іске қосылды. «Хабар» және «Ел Арна» арналарында құрылған сабақтар негізінде тегін бейнесабақтарға және сабақ жоспарларымен байланыстыруға да қолжетімділік кеңейтілді, – деп атап өтті Мұхтар Ілиясов.
Естеріңізге сала кетсек күнделік 2020-2021 оқу жылын қорытындылап, электронды журналдың ең белсенді қолданушыларын марапаттауды жөн деп тапқан. Ел үздіктерінің қатарында ақмолалық ұстаздар журналды сапалы әрі уақытында толтырғаны үшін білім басқармасының басшысы Бейбіт Жүсіпов «Қола белгімен» марапатталды.
