Бүгін Көкшетаудағы Абылай хан алаңында жаңа жылдық бас шыршаның шамдары жағылады, деп хабарлайды «Aqmola News».
Көкшетау қаласының тұрғын үй-коммуналдық шаруашылығы, жолаушылар көлігі және автомобиль жолдары бөлімі мен «Көкшетазалық» ЖШС мердігерлік ұйымы арасында жаңа жыл мерекесіне орай қаланы абаттандыру бойынша келісімшарт жасалды.
Мердігер ұйым мұз қалашығын салып, түрлі композициялар, мұз қоршаулар қалады, 2 жаңажылдық шырша орнатты. Осы жұмыстар Абылай хан алаңы мен «Достар» МҮ алаңында жүзеге асырылды.
Бас шыршаның биіктігі – 22 метр, «Достар» МҮ алаңындағы шыршаның биіктігі 18 метрден кем емес. Сондай-ақ, алаңда сырғанақтар орнатылды.
