Нұр-Сұлтан қаласында Халықтық-демократиялық патриоттық «Ауыл» партиясының республикалық қоғамдық штабы жұмыс істей бастады,-деп хабарлайды «Aqmola News».
«Ауыл» ХДПП-ның өкілі Али Бектаев алғы сөзінен соң, кампанияның сайлауалды үгіт-насихат жүргізудегі негізгі бағыттарға тоқталды.
«Ауыл» партиясынан партиялық тізімге барлығы 625 кандидат депутаттыққа үміткер ретінде өтті.
Үгіт насихат науқанына еліміздің 14 облыс орталығы мен республикалық маңызы бар 3 қаласынан кампанияның 17 өңірлік штабы жұмыс істеуде.
Бұдан бөлек, әрбір аудан орталықтарында аумақтық штабтар ашылап, жұмыс істеуде.
Үгіт-насихат науқанында онлайн режимде сайлаушылармен кездесулер, аймақтарда акциялар мен дебаттар, флешмобтар өткізу жоспарланған.
Әр түрлі деңгейдегі депутаттыққа үміткерлер «Ауылдан ауылға» акциясын бастайды.
