Бурабайда өткен шаңғы жарысынан ел чемпионатының ІІ турында 9 бірдей медальға ие болған ақмолалықтар жалпы командалық есепте бірінші орынға ие болды, деп хабарлайды «Aqmola News» Ақмола облысының дене шынықтыру және спорт басқармасының баспасөз қызметіне сілтеме жасап.
Щучинск қаласында ұлттық шаңғы орталығы базасында өткен Қазақстан Республикасының шаңғы жарысынан ел чемпионатының ІІ туры өз мәресіне жетті. Жарыс қорытындысы бойынша 1343 ұпай жинаған ақмолалық команда жалпы командалық есепте бірінші орынға ие болды.
Классикалық жүрістегі шаңғы жарысында алдына қара салмаған Валерия Тюленева чемпион атанса, күміс жүлде Олжас Климиннің еншісіне тиді. Еркін жүрісті жарыста дәл осы спортшылар күміс медальды қанжығаға байлады. Ал үздік үштікті ОльгаДулина-Мандрика түйіндеді. Еркін жүрісті спринтте Евгения Величко мен Надежда Степашкина қарсыластарын шаң қаптырды. Ал екінші орынға Олжас Климин қол жеткізді. Қола жүлде Анна Мельник табан тіреді. Тағы екі ақмолалық финалға дейін жетіп Константин Борцов төртінші ал Николай Чеботько бесінші орындарға ие болды.
Естеріңізге сала кетсек, Ақмолалық спортшылар осыған дейін ел чемпионатының алғашқы турында да жеңіске жеткен. Олардың қоржынында жеті медаль болған.
