Мемлекет басшысы Қасым-Жомарт Тоқаев Ұлттық қоғамдық сенім кеңесінің төртінші отырысына қатысады. Бұл жайында Мемлекет басшысының баспасөз хатшысы Берік Уәли хабарлады.
Отырыс 22 қазанда сағат 11.00-де басталады.
«Шара барысында мемлекеттік басқару реформасы, әлеуметтік және экологиялық мәселелерді шешу, балалардың құқықтарын қорғау, ерекше мұқтаждығы бар адамдарды қолдау және басқа да мәселелер қаралады», – деп жазды Уәли.
Отырыс президенттің баспасөз қызметінің Facebook желісіндегі AkordaPress парақшасында тікелей эфирде көрсетіледі.
