Ақмола облысының ауыл шаруашылығы құрылымдары биылғы жылы өндіріс қарқынын едәуір еселеп, өңірдің экономикалық және әлеуметтік дамуына жоғары серпін берген. Өткен сегіз айдың қорытынды бойынша ауыл шаруашылығының өнім көлемі 203,1 миллиард теңгені құрады, – деп хабарлайды «Aqmola News».
Бұл туралы Ақмола облысының ауыл шаруашылығы басқармасынан мәлім етті.
Басқарма мәліметінше елдегі пандемия кезінде өңірде ауыл шаруашылығы тауар өндірушілері қалыпты динамиканы сақтап қалған.
Қазіргі уақытта облыста ауылды жерлерде халықтың 52,8 пайызы тұрады. Сондықтан, ауылдағы еңбек өнімділігін арттыру, халықтың тұрмыс деңгейін арттыруда ауыл шаруашылығын дамыту аса маңызды. Өткен жылдың осы кезеңімен салыстырғанда ауыл шаруашылығы өнімін өндіру көлемі 19,2 пайызға жетіп, 203,2 миллиард теңгені құрады. Бұл көрсеткіш республика бойынша ең жоғары меже болып отыр, – дейді басқарма басшысы Димаш Таласбаев.
Облыста өсімдік шаруашылығы 19,5 пайызға, құс және мал сою көлемі 6,4 пайызға, сиыр сүтін өндіру 1,6 пайызға ұлғайған.
