Ерейментау ауданында жаңа спорт кешені салынуда. Спорт кешенінде шағын футбол, волейбол, жаттығу залдары мен күрес залдары және бассейн орналастырылады, – деп хабарлайды «Aqmola News» Ақмола облысы дене шынықтыру және спорт басқармасының баспасөз қызметіне сілтеме жасап.
Спорттық нысандардың тұрғындарға қолжетімділігі мен әлеуметтік деңгейді жоғарылату туралы Мемлекет басшысы Қасым-Жомарт Тоқаев былтырғы Қазақстан халқына Жолдауына аталып өткен.
«Спорттық инфрақұрылымның дамуына өңірде барынша назар аударылып келеді. Аумақтардың кешенді даму принциптері ақмолалықтардың демалуы мен салауатты әрі барынша жайлы ортасын қалыптастыруға мүмкіндік береді, – дейді облыстық дене шынықтыру және спорт басқармасының басшысы Әсет Бүкібаев.
Ақмола облысында қазіргі таңда 2444 спорттық нысан бар. Олардың қатарын Ерейментау ауданындағы жаңадан салынып жатқан спорт кешені толықтырмақ.
