Облыстық кәсіпкерлік және өнеркәсіп басқармасы осы жылдың 7 айындағы өнеркәсіп және инвестиция саласындағы даму көрсеткіштерін жариялады, – деп хабарлайды «Aqmola News» тілшісі.
Майра ҚУАНЫШҚЫЗЫ
Ведомствоның мәліметінше облыстың барлық өндіріс орындарындағы өнім көлемі айтарлықтай өскен.
Осы жылдың жеті айының қорытындысы бойынша алтын өндірісі 9,7 пайызға, ұн өндіру көлемі 24,9 пайызға, ет және басқа да субөнімдер 13,4 пайызға, комбайн жасап шығару 2,5 есе, өсімдік майы өндірісі 1,3 есеге дейін өсті. Сондай-ақ, өнеркәсіп орындарындағы тауар өнімінің көлемі 531,3 миллиард теңгені құрады. Негізгі капиталға бөлінген инвестиция көлемі де 202,3 миллиард теңгеге жетіп, 1,3 есеге дейін өсті, – дейді облыстық кәсіпкерлік және өнеркәсіп басқармасының басшысы Самат Оспанов.
Өңірде жыл басынан бері 38 жаңа жоба іске қосылып, 538 жаңа жұмыс орындары құрылған.
