Қазгидромет 29 маусым күніне арналған ауа райы болжамын жариялады. Еліміздің басым бөлігінде жаңбыр жаууы ықтимал, – деп хабарлайды «Aqmola News».
Солтүстік Қазақстан облысына секундына 28 метрге дейін жел күшейеді, найзағай ойнап, бұршақ жауады.
Павлодар облысында 25 метрге дейін жел күшейеді, найзағай ойнап, бұршақ жауады.
Ақтөбе, Батыс Қазақстан облыстарында найзағай, бұршақ болжанады, жел секундына 20 метрге дейін күшейеді.
Атырау облысында шаңды дауыл соғады, жел секундына 20 метрге дейін күшейеді.
Ақмола, Қостанай, Қарағанды, ШҚО-да кей жерлерде найзағай күтіледі, жел секундына 20 метрге дейін жетеді.
Түркістан, Жамбыл облыстарында желдің жылдамдығы 20 м/с болады. Атырау, Қызылорда, Ақтөбе, Түркістан, Жамбыл, Алматы облыстарында өрт қаупі сақталады.
