25 маусым күні Қазақстан аумағының басым бөлігінде жауын-шашынсыз ауа райы күтіледі. Тек солтүстікте жаңбыр, найзағай, бұршақ болжанады. Жекелеген өңірлерде екпінді жел тұрады, солтүстікте дауыл болуы ықтимал, деп хабарлайды «Aqmola News» Қазгидрометке сілтеме жасап.
Атырау облысының түнде кей жерлерінде, күндіз басым бөлігінде жел 15-20 м/с күшейеді.
Ақтөбе, Ақмола, Шығыс Қазақстан, күндіз Манғыстау, Батыс Қазақстан, Солтүстік Қазақстан, Павлодар облыстарының кей жерлерінде жел 15-20 м/с күшейеді. Күндіз Ақмола облысында дауыл күтіледі.
Батыс Қазақстан, күндіз Шығыс Қазақстан облыстарының кей жерлерінде бұршақ болуы мүмкін.
Қостанай облысының кей жерлерінде бұршақ, 15-20 м/с екпінде жел болжанады.
Қарағанды облысының оңтүстік-шағысында түнде жел 15-20 м/с күшейеді.
Атырау, Қызылорда облыстарында, Ақтөбе, Қостанай, Ақмола, Қарағанды, Түркістан, Жамбыл, Алматы облыстарының басым бөлігінде, Батыс Қазақстан облысының оңтүстік-шығысында өте жоғары өрт қаупі сақталады.
