Елімізде коронавирус инфекциясын жұқтырудың симптомдық белгілері жоқ адамдардың қатары көбеюде. Тек соңғы тәулікте індет белгісі болмаған 778 тасымалдаушы тіркелді, – деп хабарлайды «Aqmola News» https://www.coronavirus2020.kz/ порталына сілтеме жасап.
Жалпы елімізде белгілері жоқ вирус тасымалдаушылардың саны – 7609 адамға жетті. Ақмола облысында соңғы тәулікте індеттің белгілері болмаған 28 адамнан коронавирус инфекциясы тіркелді. Жалпы облыс бойынша 148 адамнан сипмтомсыз КВИ анықталды.
Соңғы деректер бойынша елімізде коронавирус инфекциясын жұқтырғандар саны – 16351-ге жетті. Індеттен жазылып шыққандар – 10139 адам болса, қайтыс болғандар 105 адам болды.
