Көкшетау қаласында жұмыссыз жастарды жұмыспен қамту мақсатында бос орындар жәрмеңкесі ұйымдастырылды, – деп хабарлайды «Aqmola news».
Бұл туралы Ақмола облысының жұмыспен қамту және әлеуметтік бағдарламаларды үйлестіру басқармасы мәлім етті.
Шара барысында 35 жұмыс беруші қатысып, 150-ден астам жұмысқа мұқтаж жастар бақтарын сынаған.
Жалпы жәрмеңке барысында 400 жұмыс орны ұсынылды. Жастардың көпшілігі жұмыс берушілерге әңгімелесуге шақыртылып, түйіндемелерін одан әрі қарастыру үшін алып кетті. Көкшетау қаласының жұмыспен қамту орталығына 23 жас қыз-жігіттер жастар іс-тәжірибесіне қабылданды. Жұмыс іздеген тағы үш азамат қысқа мерзімді кәсіби оқытуға жіберілді. Сондай-ақ жиырма адамға «Жұмыспен қамту жол картасы-2020» мемлекеттік бағдарламасымен кеңес берілді, – деді басқарма басшысы Дина Ахметжанова.
Сондай-ақ, бос орындар жәрмеңкесінде жұмыспен қамту орталығының мамандары жастарды нәтижелі жұмыспен қамту және жапай кәсіпкерлікті дамытуға бағытталған «Еңбек» мемлекеттік бағдарламасы туралы әңгімелеп берді.
