Бүгін Ақкөл ауданы әкімінің орынбасарының міндетін атқарушы Алмас Алин жұмыс сапарымен мектепке дейінгі білім беру орындарын аралап, балабақшалардың штаттық режимде қайтадан жұмысын бастауға дайындығын назарға алды, – деп хабарлайды «Aqmola news».
Бұл туралы Ақкөл ауданы әкімдігінің баспасөз қызметі мәлім етті.
Балабақшаларды аралау барысында Қазақстан Республикасының бас мемлекеттік санитар дәрігерінің қаулысында көрсетілген талаптарды сақтау бойынша ұсыныстардың орындалуы қажеттігі ескертілді.
Осы аптада Ақкөл қаласында меншік түріне қарамастан барлық мектепке дейінгі білім беру мекемелері «кезекші топтар» режимінде жұмыстарын жаңартады. Ең алдымен баласын қалдыруға мүмкіндігі жоқ жұмыс істейтін ата-аналар өз қалауымен барлық санитарлық-дезинфекциялық талаптарды сақтай отырып балаларын балабақшаға апара алады, – деді аудан әкімінің орынбасарының міндетін атқарушы Алмас Алин.