Есіл ауданында «Нұрлы жер» бағдарламасы аясында көпқабатты 45 пәтерлі тұрғын үй салынуда. Оған республикалық қазынадан 297,5 млн теңге бөлінген,-деп хабарлайды « Aqmola News» Есіл ауданының әкімдігіне сілтеме жасап.
Құрылысы сәуір айында басталған нысан желтоқсанда пайдалануға беріледі. Есіл қаласында соңғы үш жылда «Нұрлы жер» бағдарламасы бойынша тұрғын үй алғаш рет салынып отыр. Қазір Есіл қаласында үй кезегінде тұрғандар көп. Сондықтан, құрылыс бөлімінің мамандары баспана мәселесінің бірден шешілмейтіндігін айтады.
Қазір қалада тұрғын үй кезегінде тұрған бес жүзден артық отбасы бар.
Айта кетерлігі, соңғы 4 айда облыста 189 мың шаршы метр көп қабатты тұрғын үй пайдалануға беріліп, 1777 отбасы жаңа пәтерлерге қоныстанды.
Алдағы бес жылға арналған мемлекеттік бағдарламаның мақсаты — тұрғын үй инфрақұрылымын дамытып, баспананы тұрғындарға қолжетімді ету дейді мамандар.
