Көкшетау қаласындағы облыстық перинатальды орталығында салмағы 189 келі жүкті әйелге кесар отасы жасалды, – деп хабарлайды «Aqmola news».
Бұл туралы Көкшетау қаласындағы көпбейінді облыстық ауруханасы мәлім етті.
Әйелдің салмағының аса ауыр болуына және жанама жыныстан тыс дертінің болуына байланысты анестезиологиялық және хирургиялық процедураларды қолданып жедел босандыру кезінде техникалық қиындықтар болған.
Мұндай операциялар ота жасау және одан кейінгі кезеңде түрлі асқынулар болуы мүмкін болғандықтан, аса күрделі болып табылады. Ота жасау бригадасы жүктелген міндетті абыроймен орындады. Ота сәтті өтті. Ана мен баланың жағдайы тұрақты, – деді облыстық аурухананың бас дәрігері Нұрлан Жаров.
Алдағы уақытта бәрі ойдағыдай болса ана мен бала үйлеріне оралады.
