Көкшетау қаласының тарихи музейі Ұлы жеңістің 75-жылдығына арналған онлайн шаралар жоспарын ұсынады, -деп хабарлайды Aqmola News ақпарат агенттігі.
Ақмола облысы мәдениет, архивтер мен құжаттамалар басқармасының қолдауымен «Көкшетау Ұлы Отан соғысы жылдарында» атты музейлік жоба жүргізілуде.
Түсірілген бейнероликтер мен фотокөрмелерде соғыс уақытындағы көкшетаулықтардың ғұмырнамасы баяндалады.
Қала халқының Жеңіске қосқан үлесі мен майдан уақытындағы жанкешті еңбегі паш етіледі.
Соғысқа аттанып, оралмаған боздақтарымыз туралы мәлімет беріліп, тыл еңбеккерлерінің еңбегі суреттеледі.
