Коронавирус инфекциясына байланысты карантин енгізіліп, елдімекендерге кіріп-шығуға шектеу қойылғанымен тәртіпке бағынбай төтенше режимін бұзушылар табылып жатыр. Ақмолада тағы үш азамат блок-бекеттерді айналып өтпек болды, – деп хабарлайды «Aqmola news» ақпарат агенттігі Ақмола облысының полиция департаментіне сілтеме жсап.
Оқиға 3 сәуір күні Нұрсұлтан қаласына іргелес елдімекенде орын алған. Көлікпен карантин аймағынан шыға алмасын білген тәртіп бұзушылар жаяулап блок-бекетті айналып өтпек болады. Алайда, ойлағандары орындалмады. Полиция қызметкерлері төтенше жағдай режимін бұзған Целиноград ауданының 37 және 43 жастағы екі азаматын екпе ағаштардың арасында қолға түсірді. Олармен бірге кәмелет жасына толмаған тағы бір жасөспірім болған, – деді баспасөз қызметінен.
Төтенше жағдай режимін бұзушыларға қатысты әкімшілік құқық бұзушылық кодексінің 476 бабына сәйкес әкімшілік хаттама толтырылып, іс материалдары сотқа жолданды.