«Қазақстанның агро инновациялық корпорациясы» жауапкершілігі шектеулі серіктестігі қалаға дезинфекциялық тазарту жұмыстарына қолдау көрсетпек, – деп хабарлайды «Aqmola news» ақпарат агенттігі.
Елімізде коронавирус инфекциясының таралуына байланысты өңір кәсіпорындары індеттің таралуының алдын алу үшін қолдан келгенше қолұшын созуда. Елімізде ауыл шаруашылығына арналған қосалқы бөлшектер шығаратын «КАИК» кәсіпорны да шаһарды зарарсыздандыру жұмыстарына көмек көрсетпек.
Қалаға тегін көмек көрсетіп, бастама көтеруге шешім қабылдаған КАИК кәсіпорнында болып қайттым. Кәсіпорын қала көшелеріне дизенфекциялау үшін инженерлік қондырғы жасап шығарды. Қала көшелерін жуатын машиналарға бүріккіштер орнатылып, алдағы дүйсенбіден бастап қаланы тазартатын болады. Бұл өте жақсы идея, – деді қала әкімі Амангелді Смайылов.
Әзірге кәсіпорын арнайы қондырғыны сынақтан өткізуге дайындық жұмыстарын жүргізуде.
Қайрат Дүйсенбеков құрылғы көлік көшелерді жуатын көлікке бекітіледі. Ұзындығы үш метрлік құрылғыға сүзгі жеңіл орналастырылады. Қазір монтаж жүргізілуде. Ертең толықтай дайын болады, – деді «КАИК» кәсіпорнының цех басшысы Қайрат Дүйсенбеков.
