Көкшетау станциясының темір жол төсемінде машинист 37 бас жылқыны басып кетті, – деп хабарлайды Aqmola News ақпарат агентігі Polisia kz порталына сілтеме жасап.
7 наурызда сағат 04.55-те Көкшетау станциясындағы желілік полиция бөліміне «Қарағай-Уголки» аралығында жүк пойызының машинисі темір жол төсемінде үй жануарының болуына байланысты шұғыл тежеу қолданып 37 жылқыны қағып кеткендігі туралы хабарлама келіп түсті.
Осы дерекке байланысты Зеренді ауданына Көкшетау станциясындағы жергілікті полиция бөлімшесінің жедел-тергеу тобы шықты.
Көлік полицейлерімен жүргізілген іс-шаралардың нәтижесінде жылқылардың иесі Ақмола облысының 43-жастағы тұрғыны анықталды. Ол ҚР Әкімшілік құқық бұзушылық туралы кодексінің 559-бабы 1-бөлігі, яғни, темiр жолдардың бөлінген жолағында мал жаю қағидаларын бұзу бойынша әкімшілік жауапкершілікке тартылып, оған 5 АЕК көлемінде айыппұл салынды.
