Мексикалық Сауль Альварестің жаттықтырушысы Эдди Рейносо боксшының келесі жекпе-жегі кіммен және қашан өтетінін айтты, деп хабарлайды Aqmola News ақпарат агенттігі Sports kz сайтына сілтеме жасап.
«Канелоның» қарсыласы – WBO нұсқасы бойынша супер орта салмақтағы әлем чемпионы, британдық Билли Джо Сондерс. Жекпе-жек мексикалық «Синко де майо» мерекесіне орай ұйымдастырылады.
«Канело өзінің келесі кездесуін 2 мамырда өткізеді. Біз Сондерспен айқасатын боламыз. Жекпе-жек Лас-Вегаста болады», — деп мәлімдеді Рейносо.
Айта кетейік, қыркүйек айында Альварес қазақстандық Геннадий Головкинмен үшінші рет жұдырықтасады деп күтілуде.
