Ақмолада төтенше жағдайлар қызметкері интернет-казино ұйымдастырды деген күдікке ілінді

Ақмолада төтенше жағдайлар департаменті қызметкері казино ұйымдастырды деген күдікпен ұсталды, деп хабарлайды «Aqmola News» Қазақстан Республикасы төтенше жағдайлар министрлігінің баспасөз қызметіне сілтеме жасап.
Ведомствоның хабарлауынша экономикалық тергеу департаментінің мамандары 30 қараша күні Ақмола облысы төтенше жағдайлар департаментінің қызметкерін интернет-казино ұйымдастырды деген күдікпен ұстап, 2 желтоқсан күні босатқан.
Қазір оған қатысты сотқа дейінгі тергеу амалдары жүргізілуде. Аталған төтенше жағдайлар қызметкері азаматтық қорғау органдарында 2002 жылдан бастап қызмет атқарған, – дейді Төтенше жағдайлар министрлігінің баспасөз қызметінен.
Сотқа дейінгі тергеу нәтижесіне байланысты осы қызметкерге қатысты тәртіптік жаза қабылданатын болады. Тіпті теріс қылықтары үшін қызметінен босатылуы мүмкін.