Бүгін Ақмола облысына ауыл шаруашылығы министрі Сапархан Омаров жұмыс сапарымен келіп бірқатар нысандарды аралап шықты. Көкшетау қаласындағы іргелі сүт зауыттарының бірі «Гормолзавод» жауапкершілігі шектеулі серіктестігіне ат басын бұрған ауыл шаруашылығы министрі Сапархан Омаров кәсіпорынның жаңа өнімдерімен және жаңадан ашылған цех жұмыстарымен танысты, – деп хабарлайды «Aqmola News».
Министрдің жұмыс сапарында облыс әкімі Ермек Маржықпаев пен қала әкімі Амангелді Смайылов та қатысты.
«Біздің өндіріс орнында министрге жаңа сүт ашымалы өнімдері, жаңа балмұздақ цехі мен жаңа өнімдерді көрсеттік. Сонымен қатар жақында сауда орындарында заманауи еуропалық жабдықтармен әзірленетін жаңа ашымал сүт өнімдері мен эксимо және балмұздақ өнімдері пайда болады, – дейді кәсіпорын директоры Әсен Жақсылықов.
