Атбасар ауданындағы жергілікті кәсіпкерлердің бірі – Біржан Ризан «Жылдың үздік ұйымы» аталымында «Жомарт жүрек» мемлекеттік сыйлығына ие болды, деп хабарлайды «Aqmola News».
Бұл туралы Атбасар ауданы әкімдігі мәлім етті.
Біржан Бейсембекұлы «SABA-16» жауапкершілігі шектеулі серіктестігінің директоры. «Рухани жаңғыру» бағдарламасы бойынша жобаларды жүзеге асыру шеңберінде кәсіпкер Атбасар қаласындағы «Арай» балабақшасын қайта құруға қаржылай қолдау көрсеткен.
Қоғамдық даму министрлігімен қолға алынған бұл жоба қайырымдылық және меценаттықпен қоғамдық сананы жаңғыртуға үлес қосқан жомарт адамдарды насихаттауға арналған бірегей жоба болып табылады, – дейді Атбасар ауданы әкімдігінен.
